ესპანეთის სანაპირო დაცვამ გადაარჩინა სამი მიგრანტი, რომლებიც 11 დღე ტანკერის რუმპელზე ისხდნენ და ნიგერიიდან კანარის კუნძულებამდე მიაღწიეს.
ფოტოზე, რომელიც ესპანეთის სანაპირო დაცვამ ტვიტერზე გაავრცელა, ნავთობტანკერის, Alithini II-ის რუმპელზე მსხდომი სამი კაცი ჩანს.
მალტის დროში ქვეშ მცურავმა Alithini II-მა ნიგერიის ქალაქ ლაგოსიდან გრან-კანარის ლას-პალმასამდე 2700 საზღვაო მილი გაიარა.
ესპანეთის სანაპირო დაცვის ინფორმაციით, მიგრანტები კლინიკაში გადაიყვანეს, რადგან სამივეს გაუწყლოვნებისა და ჰიპოთერმიის ნიშნები ჰქონდა.
The Guardian-ი წერს, რომ ჩრდილოეთ აფრიკიდან კანარის კუნძულებისკენ სახიფათო მგზავრობის შემთხვევები 2019 წლიდან, ხმელთაშუაზღვის მარშრუტებზე კონტროლის გამკაცრების შემდეგ დრამატულად გაიზარდა.
2020 წლის ოქტომბერში ხუთი ადამიანი მალულად შეიპარა ნავთობის ტანკერზე, რომელიც ლაგოსიდან ლას-პალმასისკენ მიემგზავრებოდა. ისინი 10 დღის შემდეგ პოლიციამ ტანკერის რუმპელზე იპოვა.
ესპანეთის მონაცემებით, საზღვაო მიგრაცია წელს, პირველ ხუთ თვეში, შარშანდელთან შედარებით 51%-ითაა გაზრდილი.
ყოველწლიურად ათასობით ადამიანი იღუპება ასეთ მგზავრობაში, რომელიც კიდევ უფრო საშიში ხდება ხისა და გასაბერი ნავების გამო.
მთავარ ფოტოზე: ნიგერიელი მიგრანტები ტანკერის საჭის ფრთაზე/ფოტო: EFE Agency