რომან დუდინი, რომელიც მაისის ბოლომდე ხარკოვის რეგიონში უკრაინის უშიშროების სამსახურის დეპარტამენტს ხელმძღვანელობდა, ქვეყნის ერთ-ერთ რეგიონში დააკავეს. უშიშროების ყოფილ მაღალჩინოსანს ბრალი წარუდგინეს.
ამის შესახებ მედია წერს ორ წყაროზე დაყრდნობით, რომლებიც სამართალდამცავ ორგანოებს წარმოადგენენ.
წყაროების თქმით, დუდინი ბრალდებულია ორი მუხლით – სამშობლოს ღალატი და სამსახურებრივი ადგილის მიტოვება. სწრაფი რეაგირების სამსახურში ჟურნალისტების კითხვებს არ უპასუხა. თავად დუდინთან დაკავშირება კი ვერ მოხერხდა.
როგორც მედია წერს, დუდინი დასავლეთ უკრაინის ერთ-ერთ რეგიონში დააკავეს.
უკრაინის პრეზიდენტმა, ვოლოდიმირ ზელენსკიმ 29 მაისს ხარკოვის ოლქის უშიშროების სამსახურის უფროსი, რომან დუდინი იმის გამო გაათავისუფლა, რომ „მუშაობდა არა ქალაქის დაცვაზე, არამედ მხოლოდ საკუთარ თავზე ფიქრობდა“.
პრეზიდენტმა დასძინა, რომ რეგიონში უშიშროების სამსახურის ხელმძღვანელის მოტივების გარკვევაზე სამართალდამცავები იმუშავებენ.
19 ივლისს პრეზიდენტმა ვოლოდიმირ ზელენსკიმ ხარკოვის რეგიონში უკრაინის უშიშროების სამსახურის დეპარტამენტის უფროსად ალექსანდრე კუცია დანიშნა.
___
მთავარი ფოტო: უნიანი
