ნატო, უკრაინის თავდაცვის მინისტრის ოლექსი რეზნიკოვის თხოვნით, უკრაინის შეიარაღებული ძალების 200 000 სამხედრო მოსამსახურისთვის ზამთრის ეკიპირების შეგროვებას იწყებს.
საუბარია ტანსაცმლის, ფეხსაცმლისა და კარვების კომპლექტებზე.
მედიის ცნობით, ეკიპირების მიწოდებას უკვე დასთანხმდა შეერთებული შტატები, კანადა, შვედეთი და ფინეთი. ეკიპირებისთვის გამოყოფილი თანხა ჯამში დაახლოებით 40 მილიონი ევრო იქნება.
წინასწარი მონაცემებით, ეს დაფარავს უკრაინის შეიარაღებული ძალების საჭიროებების დაახლოებით 50 პროცენტს. „დოიჩე ველეს“ ცნობით, გერმანიის თავდაცვის სამინისტრომ განაცხადა, რომ ამ დახმარებაში მონაწილეობას მიიღებს გერმანიის შეიარაღებული ძალებიც.
_________________________
მთავარ ფოტოზე ბუნდესვერის ჯარისკაცები წვრთნის დროს.
ფოტოს წყარო: ბუნდესვერი / მაქსიმილიან შულცი