ესტონეთის სასამართლომ 4 თვიანი პატიმრობა მიუსაჯა 43 წლის ვლადიმერ შილოვს, ორმაგი მოქალაქეობის მქონე ფსკოველ მძღოლს, რომელიც ხშირად მუშაობს როგორც გადამზიდავი-მძღოლი. მან რუსული არმიისთვის შემოწირულებებით დრონები იყიდა. ამის შესახებ ადგილობრივი გამოცემა Delfi იტყობინება.
სასამართლომ შილოვს ერთი წლით თავისუფლების აღკვეთა მიუსაჯა, საიდანაც 4 თვეს ციხეში გაატარებს, დარჩენილი რვა თვეს კი მოიხდის პირობით და ოთხწლიანი გამოსასწორებელი ვადით.
შილოვთან ერთად დააპატიმრეს ორ კაცი, რომლებიც მას ეხმარებოდნენ: თანხა დრონის შესაძენად შესწირეს ილია და რუსლან გოლემბოვსკებმა. ორივე მათგანს ხუთი თვით თავისუფლების აღკვეთა მიუსაჯეს, 18 თვე კი განესაზღვრათ, როგორც გამოსაცდელი ვადა.
ვლადიმერ შილოვი 28 მაისს საზღვარზე დააკავეს, როდესაც მას სამი უპილოტო საფრენი აპარატი რუსეთში გადაჰქონდა, საიდანაც დრონების გაგზავნას გეგმავდა უკრაინაში შეჭრილი რუსული არმიისთვის. მან დრონებისთვის ფული შეაგროვა სოციალურ ქსელ VKontakte-ში, სადაც მას 3300 გამომწერი ჰყავს. ახლა ამ ქსელში მისთვის ადვოკატის ფულს აგროვებენ.
შილოვს ხუთ წლამდე თავისუფლების აღკვეთა ემუქრებოდა. ესტონეთის პროკურატურა მის ქმედებას აკვალიფიცირებდა, როგორც „უცხო სახელმწიფოს მიერ აგრესიის აქტში მონაწილეობას ან მხარდაჭერას“.
ესტონეთის ერთ-ერთმა რაიონულმა სასამართლომ გადაწყვეტილება გუშინ გამოაცხადა.
