ნეტგაზეთი • RU

ბათუმში შორეული ნაოსნობის კაპიტნები და საზღვაო სფეროს პროფესიონალები დააჯილდოვეს

დღეს, 2 ივლისს,  საზღვაო ტრანსპორტის განვითარებაში შეტანილი განსაკუთრებული წვლილისთვის შორეული ნაოსნობის კაპიტნები დააჯილდოვეს.

საზღვაო ტრანსპორტის სააგენტოს მიერ გავრცელებული ინფორმაციის თანახმად, დღეს დააჯილდოვეს შორეული ნაოსნობის კაპიტნები ზურაბ ჩხაიძე, აკაკი ესანჯია, ნუგზარ დოლიძე და ვაჟა გოგუაძე.

ასევე, ჯილდოების გადასცეს უფროს მექანიკოსებს: დავით თეთრაშვილს, ნიკოლოზ ცირეკიძეს, ომარ ლომიძეს, ალი სარიშვილს, ლაშა თავაძესა და სტეფანე ვართანიანს.

დღესვე ცნობილი გახდა, რომ საზღვაო ტრანსპორტის სააგენტო სხვადასხვა კომპანიებთან ერთად საზღვაო აკადემიის 9 სტუდენტს 2022-2023 სასწავლო წლის სწავლის გადასახადს დაუფინანსებენ.

საკრუინგო კომპანიამ Queensway Navigation Co.-მ „უფროსი მექანიკოსი ჯიმშერ დევაძის სახელობის სტიპენდია“ დაუწესა ბათუმის სახელმწიფო საზღვაო აკადემიის გემის მექანიკის ფაკულტეტის სტუდენტს პაატა გორგილაძეს.

მეზღვაურთა დღე ყოველი წლის 25 ივნისს აღინიშნება. წელს საზეიმო ღონისძიება უამინდობის გამო 2 ივლისს გადაიტანეს.

ნეტგაზეთის მასალების სხვა გამოცემებში გადაბეჭდვის წესი
ავტორი