ნეტგაზეთი • RU

მარიუპოლში, სახლების ნანგრევებში, 100 ცხედარი იპოვეს – მერის მრჩეველი

ოკუპირებულ ქალაქ მარიუპოლში, სახლების ნანგრევებში, 100-მდე ცხედარი იპოვეს – ამის შესახებ მარიუპოლის მერის მრჩეველი, პიოტრ ანდრიუშენკო წერს ტელეგრამზე.

ანდრიუშენკო წერს, რომ ცხედრები კვლავ ნანგრევების ქვეშაა, რუსეთის საოკუპაციო ძალები მათ დაკრძალვას არ გეგმავენ, რადგან მათი პრიორიტეტი სკოლებისა და საბავშვო ბაღების ეზოებიდან გვამების გატანა და ექსჰუმაციაა.

მისივე თქმით, ექსჰუმაციის შემდეგ ორმოებს ამუშავებენ, თუმცა არ ხდება ეზოებისა და ქუჩების დამუშავება.

ქალაქი მარიუპოლი მთლიანად ოკუპირებულია. უკრაინული მედიის ცნობით, განადგურებულია დაახლოებით 85 ათასი ადამიანის საცხოვრებელი სახლი, დაღუპულთა ზუსტი რაოდენობა უცნობია, წინასწარი გათვლებით, მარიუპოლში დაახლოებით 22 ათასი მშვიდობიანი მოსახლე დაიღუპა.

________________

მარიუპოლი. ფოტო მარიუპოლის მერის მრჩევლის, პიოტრ ანდრიუშენკოს ტელეგრამ არხიდან

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com