„საქართველომ მიიღო ის, რაც დავიმსახურეთ… ჩვენს ქვეყანას სამუდამოდ კარი გაუხსნეს ევროპაში. პირდაპირ იქნა ჩაწერილი, რომ მიენიჭა ევროპული პერსპექტივა იმისთვის, რომ გახდეს ევროკავშირის წევრი ქვეყანა,“ – აღნიშნა დღეს, 24 ივნისს, პრემიერმა ირაკლი ღარიბაშვილმა.
ევროკავშირის საბჭოს გადაწყვეტილებით, საქართველოს ევროპული პერსპექტივა დაადასტურა ევროკავშირმა.
ირაკლი ღარიბაშვილმა დღევანდელ ბრიფინგზე ყურადღება გაამახვილა პოლიტიკური პოლარიზების დასრულებისთვის მზაობაზე, რაც ევროკომისიის 12 რეკომენდაციიდან პირველი რეკომენდაციაა.
„ჩვენი გუნდის სახელით მინდა განვაცხადო სრული მზაობა, ჩვენ მზად ვართ კონსტრუქციული დიალოგისთვის,“ – თქვა ირაკლი ღარიბაშვილმა. მან პოლიტიკურ ოპოზიციასაც მოუწოდა პოლარიზების დასრლებისკენ.
პრემიერის თქმით, ევროსაბჭოს გაადწყვეტიულება დამატებითი მოტივაციაა იმისთვის, რომ მოკლე დროში შესრულდეს ევროკომისიის ყველა მოთხოვნა.
ირაკლი ღარიბაშვილის თქმით, საქართველოსთვის ევროპული პერსპექტივის მინიჭება არის აღიარება რომ, საქართველო ერთგულია ევროპული ღირებულებების. პრემიერის აზრით, ევროსაბჭოს გადწყვეტილება არის „საქართველოს მთავრობის 10-წლიანი მუშაობის აღიარებაც“.
