ვანდალიზმი ბათუმის ახალგახსნილ პარკში

 ბათუმის მერიის ინფორმაციით, შინდისის გმირების სახელობის  ახალ სკვერში, რომელიც ბათუმში, ლერმონტოვის ქუჩის ბოლოში გუშინ გახსნეს,  დღეს გამთენიისას  ვანდალურად იქნა განადგურებული ახალდარგული ხე-მცენარეები. „დაზიანებულია სკამები, სანაგვე ურნები და სკვერში არსებული ინვენტარი,“- განაცხადეს ქალაქის მერიაში.

 

ფაქტს სამართალდამცავი ორგანოები იძიებენ.  ბათუმის მერია მოუწოდებს მოსახლეობას, გამოიჩინონ სამოქალაქო პასუხისმგებლობა, გაუფრთხილდნენ და არ დააზიანონ ქალაქის ინფრასტრუქტურა. პარკში პირველად დაიდგა ადაპტირებული ატრაქციონები და საპირფარეშოები.

პარკი 7 000 კვ/მეტრზე უნდა გამწვანდეს. ახალი პარკის მშენებლობაზე ერთი მილიონ 927 ათასი ლარი დაიხარჯა.