თურქეთში, მარმარისში, ტყის ხანძარს ებრძვიან.
ხანძარი 21 ივნისს, საღამოს გაჩნდა მუღლას პროვინციაში. ოფიციალური ინფორმაციით, ხანძარს 1600-მდე ადამიანი ებრძვის. მეხანძრეები ტყეში ხანძრის ჩასაქრობად 300-ზე მეტ სპეცმანქანას, 20 ვერტმფრენსა და 14 თვითმფრინავს იყენებენ.
თურქეთის მედიის ცნობით, მუღლას პროვინციაში ხანძრის გამომწვევი მიზეზი ჯერჯერობით უცნობია. ხანძარი ძლიერი ქარის გამო მოკლე დროში გავრცელდა.
თურქეთში გასულ წელს ტყის ხანძრის 2000-ზე მეტი შემთხვევა იყო, რამაც ტყეების დიდი ნაწილი გაანადგურა და დიდი ზარალი გამოიწვია.
_____________
ტყის ხანძარი მარმარისში, თურქეთში. ფოტო: twitter