რამდენიმე წუთის წინ ავტოსაგზაო შემთხვევა მოხდა ბათუმში, ფრიდონ ხალვაშის გამზირზე.
„ბათუმელების“ ინფორმაციით, ერთმანეთს სამი მსუბუქი ავტომანქანა შეეჯახა.
თვითმხილველის თქმით, შემთხვევის შედეგად არავინ დაშავებულა.
გადაუდებელი დახმარების სამსახურში განაცხადეს, რომ მათთან შეტყობინება არ შესულა. „სასწრაფო დახმარების ეკიპაჟი შემთხვევით შეესწრო ფაქტს, თუმცა ვინმესთვის სამედიცინო დახმარების აღმოჩენის საჭიროება არ იყო, შესაბამისად, არც არავინ გადაგვიყვანია კლინიკაში“ – გვითხრეს სასწრაფოში.
