Batumelebi | პირველი მოწმე, ვინც პროკურატურამ მოსამართლის თანდასწრებით დაკითხა პირველი მოწმე, ვინც პროკურატურამ მოსამართლის თანდასწრებით დაკითხა – Batumelebi
RU | GE  

პირველი მოწმე, ვინც პროკურატურამ მოსამართლის თანდასწრებით დაკითხა

მოწმე ბ.ბ. პროკურატურამ მოსამართლე დავით მამისეიშვილის თანდასწრებით სასამართლოში დაკითხა. ეს პირველი შემთხვევაა ბათუმში, როცა საგამოძიებო ეტაპზე პროკურატურის საგამოძიებო ნაწილმა მოწმის დასაკითხად ახალი წესი გამოიყენა – მოწმის თანხმობის გარეშე, საგამოძიებო ორგანოს აღარ აქვს უფლება დაკითხოს მოწმე. მოწმეთა დაკითხვის ახალი წესი ითვალისწინებს შემთხვევასაც, როცა პროკურატურა მოწმის დაკითხვას აუცილებლად მიიჩნევს. ამ შემთხვევაში პროკურატურა შუამდგომლობით მიმართავს მოსამართლეს. მოსამართლის თანხმობის შემთხვევაში, მოწმე პროკურატურის ნაცვლად, სასამართლოში, მოსამართლის თანდასწრებით დაიკითხება დახურულ სხდომაზე.

მოწმეთა დაკითხვის ახალი წესი 20 თებერვლიდან მოქმედებს, თუმცა ამ შემთხვევამდე, მოსამართლის თანდასწრებით არავინ დაკითხულა. მოწმე ბ.ბ.-ს ადვოკატი არ ჰყოლია. ის სისხლის სამართლის კოდექსის 180-ე მუხლით დაწყებულ საქმეზე დაკითხეს, რაც გულისხმობს თაღლითობას, რამაც მნიშვნელოვანი ზიანი გამოიწვია.

ნეტგაზეთის მასალების სხვა გამოცემებში გადაბეჭდვის წესი
ავტორი