15 წლის გოგომ ლუგანსკის ოლქის ქალაქ პოპასნაიადან ოთხი ზრდასრული გამოიყვანა ავტომანქანით. მან დაახლოებით 30 კილომეტრი გაიარა ავტომობილით მიუხედავად იმისა, რომ ტყვიით იყო დაჭრილი ფეხებში.
ინფორმაციას, ვიდეოსთან ერთად, ლუგანსკის რეგიონალური სამხედრო ადმინისტრაციის ხელმძღვანელი, სერგეი გაიდაი ავრცელებს.
ოთხმა ზრდასრულმა პირმა და 15 წლის გოგომ პოპასნიადან ევაკუაცია გადაწყვიტეს, მაგრამ რუსმა სამხედროებმა ავტომანქანას სროლა აუტეხეს. მძიმედ დაშავდა ავტომანქანაში მყოფი ორი კაცი, მათ შორის, მძღოლი და 15 წლის გოგო იძულებული გახდა მას ემართა ავტომობილი დანაღმულ გზაზე.
„მე მომიწია საჭესთან დაჯდომა და ბახმუტისკენ წაყვანა. სასწრაფო დახმარება იყო საჭირო, რომ ბევრი სისხლი არ დაკარგულიყო. იქ ნაღმები იყო, ჭადრაკისებური განლაგებით, გასვლა შეუძლებელი იყო, მაგრამ რაღაცნაირად გავიარე ავტომანქანით.
შევუხვიე და იქ გვესროლეს. მე ფეხებში მესროლეს, არაფრის გაკეთება არ შემეძლო, მანქანა ჩაქრა, ძლივს დავქოქე, გზა გავაგრძელეთ, მაგრამ მანქანა ისევ ჩაქრა იმიტომ, რომ აკუმულატორში ტყვია იყო მოხვედრილი. რაც შევძელი, მოვდიოდი.
არ იყო მარტივი, ძალიან მტკივნეული იყო. მაგრამ რაღაცნაირად მაინც შევძელი. მათ ხომ ვერ მივატოვებდი,“ – ამბობს 15 წლის მოზარდი.
მან დაახლოებით 30 კილომეტრი გაიარა. ავტომანქანას ისევ ესროდნენ და 15 წლის მოზარდი ფეხებში დაიჭრა, თუმცა მართვას მაინც აგრძელებდა.
ნახეთ ვიდეო:
