Batumelebi | რა შეუძლია Stormer-ს, რომელსაც ბრიტანეთი უგზავნის უკრაინას რა შეუძლია Stormer-ს, რომელსაც ბრიტანეთი უგზავნის უკრაინას – Batumelebi
ნეტგაზეთი • RU

რა შეუძლია Stormer-ს, რომელსაც ბრიტანეთი უგზავნის უკრაინას

„ეს იქნება ერთ-ერთი ყველაზე ძვირადღირებული ტანკსაწინააღმდეგო იარაღი უკრაინის შეიარაღებულ ძალებში,“ – წერს უკრაინული გამოცემა „უნიანი“ ბრიტანული Brimstone-ის ხომალდსაწინააღმდეგო რაკეტების შესახებ.

ბრიტანული რაკეტების უკრაინისთვის მიწოდების შესახებ ბრიტანეთის პრემიერ-მინისტრმა, ბორის ჯონსონმა, უკრაინის უმაღლეს რადაში ონლაინგამოსვლის დროს განაცხადა. 3 მაისს ბორის ჯონსონმა თქვა, რომ სამხედრო დახმარება მოიცავს Brimstone-ის რაკეტებსა და Stormer-ის საზენიტო სისტემებს ჯავშანტექნიკასთან ერთად, რაც უკრაინას დაეხმარება თავდასხმის ქვეშ მყოფი ტერიტორიებიდან მშვიდობიანი მოსახლეობის ევაკუაციასა და ოფიციალური პირების დაცვაში.

Brimstone-ის რაკეტები

Brimstone შეიქმნა, როგორც ამერიკული საჰაერო რაკეტის მოდერნიზებული ვარიანტი AGM-114 Helllfire. ის 45 კილოგრამს იწონის და მისი გაშვების დიაპაზონია 40-დან 60 კილომეტრამდე. ის ვერტმფრენებისა და თვითმფრინავების ერთ-ერთი მთავარი ტანკსაწინააღმდეგო იარაღია და 2005 წლიდან არის ნატოს წევრი ქვეყნების არსენალში.

Brimstone-ის რაკეტას აქვს ლაზერის სხივით დამიზნების, ასევე ზალპური გაშვების შესაძლებლობა.

ბრიტანული ხომალდსაწინააღმდეგო რაკეტები ასევე შეძლებენ სანაპიროდან 10-12 კილომეტრის რადიუსში მდებარე საპატრულო კატარღების განადგურებას.

Stormer-ის ჯავშანტექნიკა კი, შესაძლოა გამოიყენო საჰაერო თავდასხმისგან დასაცავად.

Stormer -ის ჯავშანტექნიკა 13.5 ტონაა და გადაადგილდება 80 კმ/სიჩქარით. ჯავშანტექნიკა აღჭურვილია სახურავზე დამონტაჟებული საჰაერო თავდაცვის გამაფრთხილებელი მოწყობილობით, რომელიც სამიზნეების აღმოჩენას უზრუნველყოფს.

Stormer -ში სამი ადამიანის ადგილია: მძღოლის, მეთაურისა და ოპერატორის.

___

მთავარი ფოტო:


ნეტგაზეთის მასალების სხვა გამოცემებში გადაბეჭდვის წესი
ავტორი