დღეს, 8 აპრილს, იაპონიამ 8 რუსი დიპლომატი გააძევა უკრაინაში რუსეთის ომის, მათ შორის მშვიდობიანი მოსახლეობის მკვლელობის საპასუხოდ.
მიუხედავად ამ გადაწყვეტილებისა, გაძევებულ დიპლომატებს შორის არ არის რუსეთის ელჩი, მიხეილ გალუზინი.
ასევე, დღეს გახდა ცნობილი, რომ იაპონია დააწესებს დამატებით სანქციებს რუსეთის წინააღმდეგ, აკრძალავს ქვანახშირისა და არყის იმპორტს რუსეთიდან, გაყინავს Sberbank-ისა და Alfa Bank-ის მსხვილი კრედიტორების აქტივებს და შეაჩერებს ახალ ინვესტიციებს.
„უდანაშაულო, მშვიდობიანი მოსახლეობის მკვლელობა ომის დანაშაულია. მე შოკში ვარ“ – ციტირებს იაპონური მედია პრემიერ-მინისტრ კიშიდას. მედიის ცნობით, კიშიდამ პირველად გამოიყენა ტერმინი „ომის დანაშაული“ უკრაინაში რუსეთის სავარაუდო სისასტიკის აღსაწერად.
______________
ფოტოზე: ფუმიო კიშიდა, იაპონიის პრემიერ მინისტრი. ფოტო: PA-EFE/KIM KYUNG-HOON