მთავარი,სიახლეები

„შეწყვიტე რუსების სიძულვილი“ – აქცია გერმანიაში ბუჩას ტრაგედიის დღეს

04.04.2022 • 5228
„შეწყვიტე რუსების სიძულვილი“ – აქცია გერმანიაში ბუჩას ტრაგედიის დღეს

კვირას, 3 აპრილს, მაშინ, როდესაც უკრაინის ხელისუფლებამ გამოაქვეყნა ქალაქ ბუჩაში რუსული არმიის მიერ დახვრეტილი ადამიანების ცხედრების ფოტომასალები, მათ შორის, მოკლულებს ზურგზე ჰქონდათ ხელები შეკრული, ბერლინში 900-მდე ადამიანმა რუსეთის დროშებით მონაწილეობა მიიღო ავტომსვლელობაში.

როგორც გერმანული მედია წერს, ბერლინის პოლიციის ცნობით, მოძრაობა დარეგისტრირდა სახელწოდებით: „შეწყდეს პროპაგანდა სკოლაში – დაიცავით რუსულენოვანი მოსახლეობა, არანაირი დისკრიმინაცია”.

მსვლელობის მონაწილეებს, რუსულენოვან მოქალაქეებს, ხელთ ჰქონდათ აბრები წარწერით: „შეწყვიტე რუსების სიძულვილი“.

„ბუჩას ხოცვა-ჟლეტა ადასტურებს, რომ რუსეთის სიძულვილი უკრაინელების მიმართ სცილდება იმას, რაც ევროპამ ნახა მეორე მსოფლიო ომის შემდეგ. ამის შეჩერების ერთადერთი გზა: დაეხმარეთ უკრაინას, რაც შეიძლება მალე გაყარონ რუსები“, დაწერა გუშინ, 3 აპრილს, დმიტრო კულებამ, უკრაინის საგარეო საქმეთა მინისტრმა.

გადაბეჭდვის წესი


ასევე: