პოლონეთის დედაქალაქში, ვარშავაში, რუსეთის საელჩოს შენობას აქტივისტებმა წითელი საღებავი შეასხეს უკრაინაში რუსეთის სისხლიანი აგრესიის პროტესტის ნიშნად.
აქციის მონაწილეებმა საელჩოსთან მიიტანეს წითელი საღებავით გაჟღენთილი რუსეთის დროშა, უკრაინაში ომის ამსახველი ფოტოები და ბანერი წარწერით – „ძირს ფაშიზმი“.
აქცია 28 მარტს გაიმართა. პოლონური გამოცემა Gazeta Wyborcza-ს ცნობით, პოლიციამ ადგილზე ორი პირი დააკავა.
