დღეს, 15 მარტს, საღამოს, ავტოავარია მოხდა ქობულეთის შემოვლით გზაზე. „ბათუმელების“ ინფორმაციით, ერთ-ერთ ავტომანქანაში იმყოფებოდნენ აჭარის განათლების მინისტრი მაია ხაჯიშვილი და სამინისტროს პრესსამსახურის უფროსი თეა ვადაჭკორია.
ავარიის შედეგად თეა ვადაჭკორია დაიღუპა. იგი წლების განმავლობაში მუშაობდა აჭარის განათლების პრესსამსახურში.
ავარიის შედეგად 4 ადამიანი დაშავდა, მათ შორის, აჭარის განათლების მინისტრი. დაშავებულები კლინიკაში გადაიყვანეს.
„ბათუმელების“ ინფორმაციით, დაწყებულია გამოძიება.
____________
ფოტოზე: თეა ვადაჭკორია/facebook
