კიევის მერი, ვიტალი კლიჩკო აცხადებს, რომ დღეიდან, 15 მარტის 20 საათიდან 17 მარტის დილის შვიდ საათამდე კიევში კომენდანტის საათი ცხადდება.
„ვთხოვ კიეველებს, მოემზადონ იმისთვის, რომ ორი დღე მოუწევთ სახლში ყოფნა ან განგაშის სიგნალის შემთხვევაში, თავშესაფარში“, – აცხადებს კიევის მერი.
რუსულმა არტილერიამ 15 მარტსაც გააგრძელა უკრაინაში დასახლებული პუნქტების დაბომბვა. მთლიანად ცეცხლის ალში გაეხვა ორი მრავალსართულიანი საცხოვრებელი კორპუსი.
დაბომბვის შედეგად კიევში ასევე დაზიანდა ერთ-ერთი მეტროსადგური. როგორც უკრაინის თავდაცვის სამინისტრო აცხადებს, არტილერიით შეუტიეს და გაანადგურეს ტყეში დამალული რუსეთის სამხედრო ტექნიკა.
