9 მარტს ქალაქ მარიუპოლში სამშობიარო და ბავშვთა საავადმყოფოს დაბომბვის შედეგად 3 ადამიანი დაიღუპა და 17 დაშავდა. დაღუპულებს შორის ერთი ბავშვია.
ამის შესახებ ინფორმაციას „ბიბისი“ და უკრაინული მედია ავრცელებენ მარიუპოლის საკრებულოს ტელეგრამის არხზე დაყრდნობით.
ქალაქ მარიუპოლში სამშობიარო სახლი და ბავშვთა საავადმყოფო წუხელ დაბომბეს. შემთხვევის ადგილიდან არაერთი ფოტო და ვიდეომასალა გავრცელდა.
