დღეს, 9 მარტს, Discovery Inc-მა განაცხადა, რომ უერთდება კორპორაციების მზარდ რაოდენობას, რომლებიც რუსეთიდან უკრაინაზე თავდასხმის საპასუხოდ გადიან. „დისქავერი“ აჩერებს თავისი არხების და სერვისების მაუწყებლობას რუსეთში.
Discovery-ის თხუთმეტი გასართობი ბრენდი, მათ შორის, HGTV-ი, Animal Planet-ი, TLC-ი და Eurosport-ი, ნაწილდება მედიაალიანსის მეშვეობით, რომელიც რუსეთის ეროვნულ მედიაჯგუფისა და „დისქავერის“ ერთობლივი საწარმოა.
განცხადება გამოქვეყნდა მას შემდეგ, რაც CNN-მა, BBC-მ და სხვებმა შეაჩერეს მაუწყებლობა რუსეთიდან ახალი კანონის საპასუხოდ, რომელიც ჟურნალისტებს “ყალბი” ახალი ამბების გავრცელების გამო პატიმრობით ემუქრება.
„როიტერსი“ წერს, რომ ეროვნული მედიაჯგუფი ასევე თანამშრომლობდა Netflix-სთან, რომელმაც 2020 წლის ბოლოს გამოუშვა თავისი სერვისის ვერსია რუსული სუბტიტრებით, ადგილობრივი ფილმებით და შესთავაზა მომხმარებლებს გადახდის ადგილობრივი ვარიანტები. რუსული სერვისი კვირას Netflix-მაც შეაჩერა.