რუსეთში დააჯარიმეს პირველი მოქალაქე რუსეთის შეიარაღებული ძალების დისკრიმინაციის მუხლით.
ქალაქ კოსტრომის სასამართლომ 21 წლის რუს აქტივისტს, ირინა შუმილოვას, რომელიც 5 მარტს ერთკაციანი აქციით, პლაკატით აპროტესტებდა რუსეთის შეჭრას უკრაინაში, სასამართლომ ჯარიმის სახით 30 000 რუბლის [დაახლოებით 220 დოლარი] გადახდა დააკისრა.
შუმილოვა ინსტაგრამზე წერს, რომ სასამართლოს გადაწყვეტილების გასაჩივრებას აპირებს.
ახალი კანონი, რომელიც რუსეთის შეიარაღებული ძალების შესახებ „ყალბი ინფორმაციის“ გავრცელებისთვის 10 წლამდე პატიმრობას ან ჯარიმას ითვალისწინებს, რუსეთში 4 მარტს მიიღეს. კანონის თანახმად, „რუსეთის ფედერაციის შეიარაღებული ძალების მოქმედების შესახებ ყალბი მონაცემების გავრცელება“ ისჯება ჯარიმით ან თავისუფლების აღკვეთით სამიდან 15 წლამდე.
