ფრანგული მოდის სახლი „ბალენსიაგა“, რომლის კრეატიული დირექტორი დემნა გვასალიაა, ინსტაგრამის გვერდზე უკრაინის მხარდასაჭერ პოსტს აქვეყნებს.
„მხარს ვუჭერთ მშვიდობას და შევიტანეთ ჩვენი წვლილი მსოფლიო სასურსათო პროგრამაში WFP (გაეროს ორგანო, უდიდესი ჰუმანიტარული ორგანიზაცია), რომ გავუწიოთ პირველადი ჰუმანიტარული დახმარება უკრაინელ ლტოლვილებს.
უახლოეს დღეებში ჩვენს პლატფორმებს დავუთმობთ ინფორმაციას, რათა გავავრცელოთ ამბები უკრაინის მდგომარეობის შესახებ“ – წერია ინსტაგრამზე „ბალენსიაგას“ ოფიციალურ გვერდზე.
გვერდმა ყველა ფოტო წაშალა და „ბალენსიაგას” ინსტაგრამზე ახლა მხოლოდ უკრაინის დროშა ჩანს.