უკრაინის გენერალური შტაბის განცხადებით, რუსეთის მხარეს დაღუპულ სამხედროთა რიცხვმა 5 840-ს მიაღწია.
უკრაინის გენერალური შტაბის მონაცემებით 24 თებერვლიდან 2 მარტამდე დაზიანეს ან გაანადგურეს რუსეთის 30 თვითმფრინავი, 31 ვერტმფრენი, 211 ტანკი, ჯავშანტექნიკა / APV – 862, საარტილერიო სისტემა – 85, საზენიტო საბრძოლო სისტემა – 9, MLRS – 40, საწვავის ავზი – 60, უპილოტო საფრენი აპარატი – 3, მსუბუქი ჩქაროსნული კატარღა – 2 ერთეული, ავტოტრანსპორტი/სატრანსპორტო საშუალება – 355.
უწყება განმარტავს, რომ მონაცემები კიდევ ზუსტდება, ვინაიდან გამოთვლას ინტენსიური საბრძოლო მოქმედებები ართულებს.
—
უკვე მე-7 დღეა რუსეთის არმია განუწყვეტლივ უტევს უკრაინას როგორც სახმელეთო, ისე საჰაერო და საზღვაო გზებით. რუსეთის შეჭრას ასეულობით მშვიდობიანი მოქალაქე და სამხედრო ემსხვერპლა. ინტენსიურად იბომბება უკრაინის ქალაქები.