დღეს, პირველ მარტს, რუსეთის ექსპრეზიდენტმა და ამჟამად რუსეთის უშიშროების საბჭოს თავმჯდომარის მოადგილემ, დიმიტრი მედვედევმა, ტვიტერზე მუქარისშემცველი ტექსტი გამოაქვეყნა, სადაც იგი რუსეთის წინააღმდეგ დაკისრებულ ეკონომიკურ სანქციებს ეხმიანება და ეკონომიკური ომის რეალურ ომში გადაზრდაზე საუბრობს:
„რომელიღაც ფრანგმა მინისტრმა დღეს იქ თქვა, რომ მათ ეკონომიკური ომი გამოგვიცხადეს. ყურადღება მიაქციეთ თქვენს სიტყვებს, ბატონებო! და არ დაგავიწყდეთ, რომ ეკონომიკური ომები კაცობრიობის ისტორიაში ბევრჯერ გადაზრდილა ნამდვილ ომში” – წერს მედვედევი.
Там какой-то французский министр сегодня сказал, что они объявили нам экономическую войну. Следите за своей речью, господа! И не забывайте, что экономические войны в истории человечества часто перерастали в настоящие
— Дмитрий Медведев (@MedvedevRussia) March 1, 2022
უკრაინაში შეჭრის გამო, რუსეთსა და რუსეთის მმართველებს ეკონომიკური სანქციები დაუწესდა, მათ შორის, გაიყინა რუსეთის ცენტრალური ბანკის უცხოური რეზერვებიც.
ეკონომიკური სანქციების შედეგი რუსეთში რამდენიმე დღეში გახდა საგრძნობი. რუსულმა „სბერ ბანკმა“ (Сбербанк), რომელიც რუსეთში ყველაზე მსხვილი გამსესხებელია, იპოთეკური სესხების წლიური საპროცენტო განაკვეთი 7.5 პროცენტული პუნქტით, 18.6%-მდე გაზარდა.
______________
ფოტო: ევროპის პრესფოტო სააგენტო. EPA
