უკრაინის თავდაცვის მინისტრის მოადგილის, ჰანნა მალიარის ინფორმაციით, რუსმა სამხედროებმა უკრაინის შეიარაღებული ძალების ორი ავტომანქანა გაიტაცეს, უკრაინელი სამხედროების ფორმა გადაიცვეს და ობოლონიდან კიევის ცენტრში დიდი სიჩქარით გადავიდნენ.
მათ მისდევს რუსული სამხედრო სატვირთო ავტომანქანების კოლონა.
უკრაინული წყაროები უკრაინის მოქალაქეებს მოუწოდებენ, რუსულ დივერსიულ და სადაზვერვო ჯგუფებთან მიმართებაში გამოიჩინონ სიფხიზლე და ნებისმიერი ინფორმაციის მიღების შემთხვევაში აცნობონ სამართალდამცავ ორგანოებს.
___
25 თებერვალი – 2 დღეა რუსეთმა უკრაინის წინააღმდეგ სრულმასშტაბიანი ომი დაიწყო. რუსული ჯარები უკრაინაში შეიჭრნენ სამი მხრიდან — აღმოსავლეთიდან (ბელარუსი), ჩრდილოეთიდან (დონეცკი-ლუგანსჯი) და სამხრეთიდან (ყირიმი). პარალელურად, არტილერია და ავიაცია ბომბავს უკრაინის ქალაქებს, მათ შორის, დედაქალაქ კიევს. რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
უკრაინის მთავრობის ინფორმაციით, ომის პირველ დღეს დაიღუპა, სულ მცირე, 137 ადამიანი, რომელთა შორის არიან სამოქალაქო პირებიც. უკრაინულმა ჯარმა გაანადგურა რუსეთის 160 ჯავშანტექნიკა, 5 თვითმფრინავი და 6 ვერტმფრენი.
