მთავარი,სიახლეები

ბერლინში უკრაინის სოლიდარობის აქცია გაიმართა

24.02.2022 • 1014
ბერლინში უკრაინის სოლიდარობის აქცია გაიმართა

გერმანიაში, ბერლინის ცენტრში, ბრანდენბურგის კარიბჭესთან, უკრაინისადმი სოლიდარობის გამომხატველი სპონტანური აქცია გაიმართა.

„დოიჩე ველეს“ ცნობით, უკრაინის დროშებით ხალხი მიდის საზღვართან, რომელიც ოდესღაც დიქტატურასა და თავისუფალ სამყაროს ყოფდა. მსგავსი აქციები მსოფლიოს სხვა ქალაქებშიც მიმდინარეობს.

გამოცემის ცნობით, გერმანული ჰუმანიტარული ორგანიზაციები კონფლიქტის შედეგად დაზარალებულთათვის შემოწირულობის შეგროვების აუცილებლობაზე საუბრობენ.

„ამ ომის ფასს გადაიხდის ხალხი, რომელიც დაკარგავს სახლებს“, – განაცხადა Diakonie Katastrofenhilfe-ის პრეზიდენტმა დაგმარ პრუინმა, „კარიტასის“ ხელმძღვანელმა ოლივერ მიულერმა კი  ხაზგასმით აღნიშნა, რომ აუცილებელია ყველაფერი გაკეთდეს უკრაინაში ჰუმანიტარული კატასტროფის თავიდან ასაცილებლად.

___________________________________________________________________

24 თებერვლის დილას რუსეთის ფედერაციამ უკრაინაში სრულმასშტაბიანი ომი დაიწყო.

რუსეთის პრეზიდენტმა პუტინმა დონბასისა და ლუგანსკის სეპარატისტული რეგიონების დაცვის საბაბით უკრაინაში „სამხედრო ოპერაციის“ დაწყების შესახებ განაცხადა. პუტინმა იარაღის დაყრისკენ მოუწოდა უკრაინელ ჯარისკაცებს.

პუტინის განცხადებიდან მალევე დაიწყო სტრატეგიული ობიექტების დაბომბვა უკრაინის ქალაქების შემოგარენში, მათ შორის, კიევში

_____________

ფოტო: „დოიჩე ველე“

გადაბეჭდვის წესი


ასევე: