საქართველოს განათლებისა და მეცნიერების სამინისტროს ინფორმაციით, შეიქმნა ქართული ენის გრამატიკის ელექტრონული რესურსი.
საგანმანათლებლო პლატფორმა აერთიანებს ძირითადი გრამატიკული საკითხების თეორიულ მასალას, განმარტებით ვიდეოებს, ჩეთბოტებსა და სხვადასხვა სახის სავარჯიშოს.
საგანმანათლებლო რესურსი შეესაბამება ქართული ენისა და ლიტერატურის საგნის საბაზო საფეხურის ეროვნულ სასწავლო გეგმაში მოცემულ გრამატიკულ საკითხებს.
ქართული ენის გრამატიკის ელექტრონული რესურსის პლატფორმა შექმნილია საბაზო და საშუალო საფეხურის მოსწავლეებისთვის, თუმცა პლატფორმით სარგებლობის შესაძლებლობა ყველა დაინტერესებულ ადამიანს აქვს.
ასევე, საგანმანათლებლო რესურსის მომხმარებელს, რომელსაც აქვს მასწავლებლის სტატუსი შეუძლია ელექტრონული ფოსტით მოიწვიოს მოსწავლეები და კლასებად გააერთიანოს.
