Batumelebi | ღარიბაშვილმა მოსახლეობას კიდევ ერთხელ მიულოცა სააკაშვილის დაკავება ღარიბაშვილმა მოსახლეობას კიდევ ერთხელ მიულოცა სააკაშვილის დაკავება – Batumelebi
RU | GE  

ღარიბაშვილმა მოსახლეობას კიდევ ერთხელ მიულოცა სააკაშვილის დაკავება

პრემიერ-მინისტრი ირაკლი ღარიბაშვილი დღეს კიდევ ერთხელ გამოეხმაურა ექსპრეზიდენტ მიხეილ სააკაშვილის საქართველოში დაბრუნებას. ღარიბაშვილმა სააკაშვილზე საუბრისას თქვა – „ეს ადამიანი არ არის ნორმალური“, „დაამთავრა არასერიოზულად“.

ღარიბაშვილი აცხადებს, რომ რადგან სააკაშვილი ციხეშია, ახლა აქვთ რეალური შანსი, „ქვეყანას მიხედონ“.

„პირველ რიგში, მინდა ვთქვა, რომ ძალიან კარგი საჩუქარი გაუკეთა ჩვენს ამომრჩეველს პირველ ოქტომბერს, როცა თავისი ფეხით შევიდა ციხეში. კიდევ ერთხელ მე მინდა მივულოცო ჩვენს მოსახლეობას. სრული პასუხისმგებლობით მინდა ვთქვა, რომ ახლა გვაქვს რეალური შანსი, რომ საბოლოოდ ქვეყანას მივხედოთ, დავამშვიდოთ, დავაწყნაროთ, ვინაიდან ეს არასტაბილურობის შემქმნელი, დესტაბილიზაციის შემქმნელი ადამიანები არიან ციხეში და იქნებიან დიდ ხანს ციხეში, ვინაიდან მათი სასჯელი ამას ითვალისწინებს და ამის შემდეგ მივხედოთ რეალური პრობლემების მოგვარებას“, – განაცხადა ირაკლი ღარიბაშვილმა.

ირაკლი ღარიბაშვილს აქამდეც არაერთხელ განუცხადებია „ნაციონალური მოძრაობის“ დასრულებაზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან