ცენტრალური საარჩევნო კომისიის ინფორმაციით, 15:00 საათის მდგომარეობით აჭარაში არჩევნებში მონაწილეობა მიიღო ამომრჩეველთა მხოლოდ 35.4-მა პროცენტმა მიიღო. რაც იმას ნიშნავს, რომ არჩევნებში საკუთარი ნება რეგიონში 111 529 მოქალაქემ გამოხატა. ბათუმში, ამ დროისთვის ხმა მისცა 49 806 ამომრჩეველმა.
სტატისტიკა ასე გამოიყურება:
- ბათუმში – 33.7 %
- ხელვაჩაური – 38.4 %
- ქედა – 43.5 %
- შუახევი – 42 %
- ხულო – 37.7 %
საარჩევნო უბნებში ხმის მიცემა 20:00-ის ჩათვლით გაგრძელდება, რვა საათზე კი საარჩევნო უბნები დაიხურება და ხმების დათვლა დაიწყება.
2 ოქტომბრის ადგილობრივი თვითმმართველობის არჩევნებზე აჭარაში 314 644 ამომრჩეველია რეგისტრირებული. ექვსი მუნიციპალიტეტიდან ყველაზე მეტი ამომრჩეველი ქალაქ ბათუმშია. აქ 106 საარჩევნო უბანია.
