“ვაქცინა გვიცავს, აიცერი” – დინამო ბათუმის ფეხბურთელები COVID-19-ზე აიცრნენ

საფეხბურთო კლუბ “დინამო ბათუმის” ფეხბურთელები აიცრნენ.

COVID-19-ზე ვაქცინაციის პროცესის ამსახველი ფოტოები საფეხბურთო კლუბის ოფიციალურ ფეისბუქ გვერდზე გამოქვეყნდა.

“ჩვენი გუნდის ფეხბურთელებმა და სამწვრთნელო შტაბმა ვაქცინის პირველი დოზა გაიკეთა”, – წერია დინამო ბათუმის გვერდზე გამოქვეყნებულ პოსტში.

#ვაქცინაგვიცავს #აიცერი – მოუწოდებენ ფეხბურთელები მოქალაქეებს.

ფეხბურთელები COVID-19-ზე  ბათუმის რესპუბლიკურ საავადმყოფოში აიცრნენ.

აჭარის ჯანდაცვის სამინისტროს მონაცემებით ბოლო 24 საათში აჭარაში 3 283 მოქალაქე აიცრა სხვადასხვა ვაქცინით. ვაქცინაციის დაწყებიდან დღემდე აჭარაში სულ 89 318 ადამიანია ვაქცინირებული.