Batumelebi | ბათუმის მერია ზღვასთან ახლოს მიწის 2 ნაკვეთს და შენობებს ყიდის ბათუმის მერია ზღვასთან ახლოს მიწის 2 ნაკვეთს და შენობებს ყიდის – Batumelebi
RU | GE  

ბათუმის მერია ზღვასთან ახლოს მიწის 2 ნაკვეთს და შენობებს ყიდის

ბათუმის საპრივატიზებო ობიექტების ნუსხას გასაყიდი ქონებები შეემატა – განახლებული ნუსხა  საკრებულომ დღეს დაამტკიცა. მერიამ გასაყიდი ქონებების ჩამონათვალში შეიტანა ბათუმში, ჯინჭარაძის #1ა-ში მდებარე მიწის ნაკვეთი [471კვ.მ.] და მასზე დამაგრებული შენობა ზღვასთან ახლოს [1224.70კვ.მ].

მერიის ინფორმაციით, ეს ქონება პირობიანი აუქციონის წესით გაიყიდება, საწყისი ფასი 252 000 ლარი იქნება, პირობა კი საპრივატიზებო საფასურის ხელშეკრულების გაფორმებიდან 3 თვის ვადაში გადახდაა.

ამ ქონების მომიჯნავედ მრავალფუნქციური კომპლექსი ააშენა შპს „ნექსთ გრინმა“.

მერიამ საპრივატიზებო ობიექტების ნუსხაში შეიტანა ასევე 12 506კვ.მეტრი მიწის ნაკვეთი ქობულეთის სანაპიროზე [ მეგობრობის ქუჩა #40]  და ამავე ნაკვეთზე არსებული შენობა[9127,07კვ.მ].

მერიის ინფორმაციით, ნაკვეთი პირობიანი აუქციონის წესით გაიყიდება და საწყისი ფასი 5 მილიონ  400 000 ლარი იქნება. პირობის თანახმად, საპრივატიზებო საფასური ხელშეკრულების გაფორმებიდან 12 თვეში უნდა გადაიხადოს მყიდველმა.

მერიამ გასაყიდი ობიექტების ნუსხაში შეიტანა ასევე მახვილაურის მეურნეობაში მდებარე 187 კვ. მ მიწის ნაკვეთი, რომლის საწყისი ფასიც 39 500 ლარია.

ნეტგაზეთის მასალების სხვა გამოცემებში გადაბეჭდვის წესი
ავტორი