მთავარი,სიახლეები

ჯაზის დღე – Volcan feat. Rubalcaba თბილისში

09.02.2016 • 1425
ჯაზის დღე – Volcan feat. Rubalcaba თბილისში

„კულტურის განვითარების საინვესტიციო ფონდმა ჯაზის საერთაშორისო დღესთან დაკავშირებით პროექტი შეიტანა საქართველოს კულტურისა და ძეგლთა დაცვის სამინისტროში, რომელიც დამტკიცდა. შესაბამისად, 30 აპრილს გაიმართება კონცერტი, რომელშიც მონაწილეობას მიიღებენ ისეთი მუსიკოსები, როგორებიც არიან volcan feat. Rubalcaba“, – აცხადებენ კულტურის განვითარების ფონდში.

ფონდი აღნიშნული კონცერტის მომსახურების შეყიდვას გამარტივებული შესყიდვით გეგმავს, რისთვისაც [თანხმობის მიღების მიზნით] შესყიდვების სააგენტოს უკვე მიმართა.

„როდესაც უცხოელ მონაწილეებთან იდება ხელშეკრულება, შემსრულებლები კონცერტის ჩატარებამდე გარკვეული პერიოდით ადრე ითხოვენ ხელშეკრულების გაფორმებას და ჰონორარის გადარიცხვას. ჯაზის საერთაშორისო დღეს გამართულ ღონისძიებაში მონაწილე შემსრულებლეთან გამარტივებული ელექტრონული ტენდერის საშუალებით ხელშეკრულების დადება შეუძლებელია, ვინაიდან კონცერტში მონაწილეობას იღებენ კონკრეტული შემსრულებლები volcan feat. rubalcaba.

რაც შეეხება სხვა მომსახურების შესყიდვას, ეს მომსახურება უშუალოდ არის დაკავშირებული მონაწილეების მოთხოვნებთან, რომლებიც მხოლოდ კონტრაქტის გაფორმების შემდგომ [კონცერტის წინა პერიოდისთვის] ხდება ცნობილი.

ვინაიდან არ ვიცით ტენდერების გამოცხადების შემდეგ რამდენად დაეთანხმებიან შემსრულებლები ტენდერში გამარჯვებული კანდიდატების შემოთავაზებული მომსახურებების მიღებას, მსგავსი შეუსაბამობის თავიდან აცილების მიზნით, აპრიორად მივიჩნევთ, მოგმართოთ გამარტივებული შესყიდვის თანხმობისთვის“, – განმარტავენ ფონდში.

ფონდში ასევე მიაჩნიათ, რომ ვინაიდან „ჯაზის საერთაშორისო დღე მსოფლიო მასშტაბით  „unesco“-ს ეგიდით აღინიშნება, საქართველოში ამ დღისადმი მიძღვნილი ღონისძიების ჩატარება მნიშვნელოვანია სახელმწიფოებრივი და საზოგადოებრივი კუთხით“.

კონცერტის ხარჯი ფონდის მონაცემებით [ლარი]:

volcan feat. rubalcaba-ს ჰონორარი – 66 000;
საცხოვრებელი ხარჯი – 7 375;
ტრანსპორტირების ხარჯი – 1 650;
განათების აპარატურით მომსახურება – 7 080;
გახმოვანების აპარატურით მომსახურება – 7 080;
პოსტერები – 3 500;
სარეკლამო ხარჯი – 20 000;
კვება/კეტერინგი – 4 200;
გაუთვალისწინებელი ხარჯი – 3 950.

გადაბეჭდვის წესი


ასევე: