აჭარის ჯანდაცვის სამინისტროს ინფორმაციით, ბათუმში სავარაუდოდ H1N1 ვირუსით კიდევ ერთი ადამიანი გარდაიცვალა, ვირუსი ანალიზით ჯერ არ არის დადასტურებული. სამინისტროს პრესცენტრის ცნობით, სინჯი აღებულია და გადაგზავნილია თბილისში შემოწმებაზე. პასუხი ერთ კვირაში გახდება ცნობილი.
რამდენიმე დღის წინ H1N1 ვირუსით ბათუმში 35 წლის მამაკაცი გარდაიცვალა.
შეგახსენებთ, რომ ბოლო მონაცემებით, აჭარის მასშტაბით ლაბორატორიული კვლევისთვის აღებული იქნა სულ 57 ნიმუში, მათ შორის 16 შემთხვევაში დადასტურდა A h1. დადასტურებული შემთხვევებიდან 2 რჩება სტაციონარში, 13 გამოჯანმრთელდა.
