ბათუმის სკოლების წინ თეთრ პერანგებსა და მაისურებში გამოწყობილი ახალგაზრდები არიან. ზოგი დაბნეულია, ზოგი სევდიანი, უფრო ხშირად კი მხიარული ფუსფუსია.
ცოტა ხანს თუ გაჩერდები მათ სიახლოვეს, ყველაზე ხშირად ამ ფრაზას გაიგონებ: „ ახლა რა ვქნა?! – მოდი დაგაწერო“. ამ სიტყვებით ისინი ერთმანეთის მაისურებს აფერადებენ.
კორონავირუსის პანდემიის გამო წელს მეთორმეტეკლასელებს არც ექსკურსიების უფლება აქვთ და არც საზეიმო წვეულებების გამართვის. „სასურველია, მოსწავლეებთან გამოსამშვიდობებელი ღონისძიება ღია სივრცეში გაიმართოს“- ასე გადაწყვიტა მთავრობის საკოორდინაციო საბჭომ.
აჭარაში წელს მე-12 კლასი 3 873-მა მოსწავლემ დაამთავრა.
