სარფის საბაჟო გამშვებ პუნქტში საქართველოს მოქალაქის, გ.ფ.-ს მართვის ქვეშ არსებული სატვირთო ავტომობილის დეტალური დათვალიერების შედეგად, არადეკლარირებული 293.69 გრამი ოქროს საიუველირო ნაკეთობები გამოვლინდა – ინფორმაციას ფინანსთა სამინისტროს შემოსავლების სამსახური ავრცელებს.
სამსახურის ცნობით, საქონლის საერთო საბაჟო ღირებულებამ 33 744 ლარი შეადგინა.
საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა.