აჭარის საავტომობილო გზების დეპარტამენტის ინფორმაციით, დღეს, 24 მარტს, მეწყრული პროცესების გამო სრულად შეზღუდულია ავტოტრანსპორტის მოძრაობა შემდეგი მიმართულების გზებზე:
ხულოს მუნიციპალიტეტში: დიდაჭარა-საციხური-გელაურას მიმართულებით
შუახევის მუნიციპალიტეტში: ცხემლისი-დარგულა, ჭვანა-ცივაძეები-ქარცივაძეები და კობალთის მიმართულებით
ქედის მუნიციპალიტეტში: მერისი-სიხალიძეების საავტომობილო გზებზე.
„ადგილობრივებს შესაძლებლობა აქვთ ისარგებლონ შემოვლითი გზებით“ – აცხადებენ გზების დეპარტამენტში. მათივე ინფორმაციით, მეწყრული პროცესების განვითარება ძლიერმა წვიმებმა გამოიწვია.
