Batumelebi | მოსკოვის ქუჩას ქუთაისში შინდისის გმირების სახელი დაარქვეს მოსკოვის ქუჩას ქუთაისში შინდისის გმირების სახელი დაარქვეს – Batumelebi
RU | GE  

მოსკოვის ქუჩას ქუთაისში შინდისის გმირების სახელი დაარქვეს

25 თებერვალს, ოკუპაციის 100 წლისთავზე, ქუთაისში შინდისის გმირების სახელი მიანიჭეს მოსკოვის ქუჩას.

ერთ-ერთ სახლზე ქუჩის ძველი აბრა შინდისის ბრძოლის გმირმა, ტრისტან ჩიტიძემ თავად მოხსნა და ახალი დაამაგრა.

მოსკოვის ქუჩას ქუთაისში შინდისის გმირების სახელი დაარქვეს/თეკო ჭეიშვილის ფოტო

შინდისის ბრძოლის დროს 2008 წლის 11 აგვისტოს რუსულ სამხედრო ნაწილთან შეტაკებისას დაიღუპა 17 ქართველი ჯარისკაცი: ნიკოლოზ ფორჩხიძე, რომან ზოიძე, რუსლან წულაძე, ფელიქს კაკაურიძე, კახა კოშაძე, ალექსანდრე ონიანი, ემზარ წილოსანი, ვეფხვია ჯიშკარიანი, ლევან მელქაძე, ზვიად კაცაძე, თეიმურაზ ბერიძე, ილია გაბუნია, ილია შეყლაშვილი, ირაკლი ჯანელიძე,   მარლენ ბარამია, შმაგი კუპატაძე და მიხეილ დვალიშვილი.

მოსკოვის ქუჩას ქუთაისში შინდისის გმირების სახელი დაარქვეს/თეკო ჭეიშვილის ფოტო

2019 წელს ანტისაოკუპაციო აქციების ორგანიზატორები და საზოგადოების სხვადასხვა ჯგუფი დიდი ხანი თბილისშიც ითხოვდნენ მოსკოვის გამზირისთვის სახელის გადარქმევას.

სამოქალაქო აქტივისტებმა გასულ წელს 12 000 ხელმოწერა წარუდგინეს თბილისის ხელისუფლებას. პეტიციაზე ხელმომწერები მოსკოვის ქუჩისთვის არჩილ ტატუნაშვილის სახელის მინიჭებას ითხოვდნენ.

ქუჩა თბილისში ისევ მოსკოვის სახელს ატარებს.

2019 წლის თებერვალში ოზურგეთის მუნიციპალიტეტის მერიასაც მიმართეს მოქალაქეებმა პეტიციით, რომლის ინიციატორიც მოქალაქე გურამ მიქელაძე იყო. ის ითხოვდა მოსკოვის ქუჩას ოზურგეთში „გურიის რესპუბლიკის პრეზიდენტის”, ბენიამინ ჩხიკვიშვილის სახელი დარქმეოდა. მოქალაქის მოთხოვნა მერიამ არ დააკმაყოფილა.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com