ბათუმის მერიის ინფორმაციით ქალაქში გარე განათების სარემონტო სამუშაოები მიმდინარეობს.
„დღეს, 15 იანვარს, დილიდან ჯგუფი მუშაობს რუსთაველის, ბარათაშვილის, ჭავჭავაძისა და ენგელსის ქუჩებს შორის არსებულ მონაკვეთში. სამუშაოები შუადღემდე დასრულდება და დღის მეორე ნახევარში ენგელსიდან გრიბოედოვის ქუჩამდე მონაკვეთში გაგრძელდება.
ქუჩის განათების სისტემის სარემონტო სამუშაოები ეტაპობრივად მთელი ქალაქის მასშტაბით განხორციელდება“ – აცხადებენ ბათუმის მერიაში.
2016 წელს განათების სისტემის ექსპლუატაციისთვის ბათუმის ბიუჯეტში ერთი მილიონ 41 ათასი ლარია გათვალისწინებული. კეთილმოწყობის სამსახურის ინფორმაციით, იმ შემთხვევაში, თუკი რომელიმე ქუჩაზე ღამის განათება გაითიშება ან რაიმე სახის დაზიანება დაფიქსირდება, მოქალაქეებს შეუძლიათ დარეკონ ცხელ ხაზზე: 595 95 83 81.