"ბათუმელების“ არქივიდან,მთავარი,სიახლეები

არჩილ ჩიქოვანმა ყოფილი პოლიციელი და თავისი მეგობარი მერიაში მონიტორად დანიშნა

16.02.2021 • 46394
არჩილ ჩიქოვანმა ყოფილი პოლიციელი და თავისი მეგობარი მერიაში მონიტორად დანიშნა

ბათუმის მერიას ახალი თანამდებობის პირი ჰყავს, რომელიც ვიცე-მერის კაბინეტში მუშაობს, მას მონიტორის ფუნქცია აქვს. მერიაში ზუსტად არ განგვიმარტეს, რა მიმართულებები უნდა აკონტროლოს ახალმა თანამშრომელმა, თუმცა არაოფიციალურად ვიცით, რომ გიორგი ხარაზს და მის ორ დამხმარეს ყველას და ყველაფრის კონტროლი ევალებათ.

გიორგი ხარაზი ბათუმის მერიაში დანიშვნამდე შინაგან საქმეთა სამინისტროში მუშაობდა. ის მერის მოვალეობის შემსრულებლის, არჩილ ჩიქოვანის თანაკლასელი და მეგობარია.

გიორგი ხარაზს მერიის მონიტორის ფუნქციის განხორციელებაში კიდევ ორი პირი ეხმარება, ისინიც ხელშეკრულებით დაიქირავა მერიამ.

ოფიციალურად მერიაში მონიტორინგის სამსახური არ შეუქმნიათ, თუმცა რიგითი მოხელეები მერიაში ამ ჯგუფს, როგორც მონიტორინგის სამსახურს, ხოლო გიორგი ხარაზს ამ სამსახურის უფროსად მოიხსენიებენ.

არაოფიციალურად გვითხრეს ისიც, რომ მონიტორმა ბათუმის მერიის შპს-ები და ა(ა)იპები უნდა აკონტროლოს.

___

ბოლო პერიოდში მერიაში საკადრო გადაადგილებების შესახებ წაიკითხეთ აქ:

არჩილ ჩიქოვანმა ბათუმის მერიიდან 10 თანამდებობის პირი გაათავისუფლა

 

გადაბეჭდვის წესი


ასევე: