ბათუმში ბონი-ბარცხანის დამაკავშირებელი ქუჩის რეაბილიტაცია იგეგმება. ეს არის გოგოლის ქუჩის მონაკვეთი – წმინდა დიაკონი სევერიანე აჭარელი აღმსარებლის [ყოფილი მაიაკოვსკის] ქუჩიდან იოსებ ნონეშვილის ქუჩამდე.
გოგოლის ქუჩის აღნიშნული მონაკვეთის კეთილმოწყობისთვის ბათუმის 2021 წლის ბიუჯეტში 1 475 804 ლარია გათვალისწინებული. სამუშაოები მას შემდეგ დაიწყება, რაც ბათუმის მერია ტენდერით გამარჯვებულს შეარჩევს. ტენდერი ჯერ მერიას არ გამოუცხადებია.
გოგოლის ქუჩის ეს მონაკვეთი [ბონის კულტურის სახლიდან ნონეშვილის ქუჩამდე], გარდა იმისა, რომ ბონისა და ბარცხანის დასახლებების დამაკავშირებელი ერთ-ერთი მთავარი მონაკვეთია, ის სატრანზიტო კვანძიც არის. ამ მონაკვეთის სიგრძე დაახლოებით 580 მეტრია.
ბათუმიდან [ბაგრატიონისა და ერისთავის ქუჩების გავლით] ქობულეთის მიმართულებით და პირიქით, ტრაილერები სწორედ ამ მონაკვეთის გავლით მოძრაობენ. აქვეა ბათუმის ახალი ავტოსადგურიც [„მეტრო“].
ეს გზა ფაქტობრივად ავარიულია – არის ორმოები, დეფორმირებულია რკინა-ბეტონის ფილები, სავალი ნაწილის არც ერთ მხარეს არ არის ტროტუარი.
გოგოლის ქუჩა:
ბათუმში წელს ბაგრატიონის ქუჩის რეაბილიტაციაც იგეგმება:
ფიროსმანისა და გორგასლის ქუჩები ჯავახიშვილის ქუჩასთან გადაიკეტა