ქობულეთის შემოვლით გზაზე ორი მსუბუქი ავტომანქანა შეეჯახა ერთმანეთს. ერთ-ერთი დაშავებულის მდგომარეობა განსაკუთრებით მძიმეა.
სასწრაფო-სამედიცინო სამსახურის ინფორმაციით, წინასწარი მონაცემებით, ავარიის შედეგად სამი ადამიანი დაშავდა. უწყებისგან ველოდებით განახლებულ ინფორმაციას.
დაშავებულები ბათუმის სამედიცინო ცენტრში გადაიყვანეს. ცენტრის პრესცენტრის ინფორმაციით, ერთ-ერთის მდგომარეობაა მძიმე და ამ დროისთვის სამივე დაშავებულს შესაბამისი კვლევა უტარდება.
დაწყებულია გამოძიება სისხლის სამართლის კოდექსის 276-ე მუხლის შესაბამისად.