Batumelebi | აჭარაში ბოლო სამ არჩევნებთან შედარებით დაბალი აქტივობაა – 12 საათის მონაცემები აჭარაში ბოლო სამ არჩევნებთან შედარებით დაბალი აქტივობაა – 12 საათის მონაცემები – Batumelebi
RU | GE  

აჭარაში ბოლო სამ არჩევნებთან შედარებით დაბალი აქტივობაა – 12 საათის მონაცემები

აჭარის უმაღლესი საარჩევნო კომისიის ცნობით, არჩევნების მეორი ტურში, დილის 12 საათის მონაცემებით ამომრჩევლების აქტივობა ორ მაჟორიტარულ ოლქში, სადაც არჩევნები მიმდინარეობს, ჯამში 8,58 პროცენტია.

ეს მაჩვენებელი ყველაზე დაბალია ბოლო სამი არჩევნების 12 საათის მონაცემებთან შედარებით.

მაგალითისთვის, 31 ოქტომბრის [პირველი ტური] არჩევნებზე დღის 12 საათზე ხმა სამივე ოლქში უკვე მიცემული ჰქონდა ამომრჩევლის 17,76 პროცენტს. 2016 წლის არჩევნებზე [პირველი ტური] – 19, 35 პროცენტს, 20016 წლის არჩევნების მეორე ტურზე კი – 20,47 პროცენტს.

დღეს, 21 ნოემბერს, ყველაზე დაბალი აქტივობაა ბათუმში, სადაც 12 საათის მონაცემებით ხმა მისცა 7,14%-მა, სულ 10 504 -მა ამომრჩეველმა.

შედარებით მაღალი აქტივობა კი ქედის ოლქშია, სადაც – 13, 17%-მა, სულ 2067 ამომრჩეველმა მისცა ხმა დღის 12 საათის მონაცემებით.

არჩევნების მეორე ტური ბათუმის საარჩევნო უბანზე. ფოტო: „ბათუმელები“

დღეს, 21 ნოემბერს, საქართველოში საპარლამენტო და აჭარის უმაღლესი საბჭოს არჩევნების მეორე ტური ოპოზიციური პარტიების ბოიკოტის ფონზე მიმდინარეობს.

ოპოზიციური პარტიები არ ცნობენ 31 ოქტომბერს გამართული არჩევნების შედეგებს. ისინი აცხადებენ, რომ არჩევნები ხელისუფლებამ გააყალბა და არ აპირებენ შესვლას საქართველოს პარლამენტსა და აჭარის უმაღლეს საბჭოში.

_____________

ფოტოზე: არჩევნები ბათუმის #76 უბანზე. ფოტო: „ბათუმელები“/თედო ჯორბენაძე

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com