დღეს, 3 ნოემბერს, მთავრობის საკოორდინაციო საბჭოს სხდომის დასრულების შემდეგ ვიცე-პრემიერმა მაია ცქიტიშვილმა განაცხადა, რომ მიღებულია გადაწყვეტილება, რომლის თანახმადაც მთელი საქართველოს მასშტაბით რესტორნები მხოლოდ 22 საათამდე იმუშავებენ.
აქამდე 22 საათის შემდეგ რესტორნების მუშაობის შეზღუდვა ეხებოდა აჭარას, თბილისსა და მცხეთას.
ცქიტიშვილმა ხაზი გაუსვა, რომ შეზღუდვა ეხება მხოლოდ 22 საათის შემდეგ მუშაობას და რესტორნები და კაფე-ბარები მუშაობას ჩვეულებრივად გააგრძელებენ.