Batumelebi | სიკვდილიანობის მზარდი მაჩვენებელი სამხრეთ კავკასიაში – COVID19 სიკვდილიანობის მზარდი მაჩვენებელი სამხრეთ კავკასიაში – COVID19 – Batumelebi
RU | GE  

სიკვდილიანობის მზარდი მაჩვენებელი სამხრეთ კავკასიაში – COVID19

2 ნოემბრის მონაცემებით, მსოფლიოს მასშტაბით კორონავირუსის 46 859 546 დადასტურებული შემთხვევაა, გამოჯანმრთელდა 33 773 060 და გარდაიცვალა 1 205 809 ადამიანი.

COVID19-ით სიკვდილიანობის მაჩვენებელი ქვეყნებში ყოველდღურად იცვლება, ქვეყნების უმრავლესობისთვის ეს მაჩვენებელი მზარდია, მათ შორისაა სამხრეთ კავკასიის ქვეყნები, რომელთაგან სომხეთს ყველაზე მაღალი მაჩვენებელი აქვს და იგი ერთ მილიონ მოსახლეზე 469 გარდაცვალებას შეადგენს.

შემდეგ მოდის საქართველო, რომლის მაჩვენებელიც ბოლო ორ დღეში 71-დან 86-მდე გაიზარდა;

შემდეგ კი აზერბაიჯანი – ერთ მილიონ მოსახლეზე 73 ლეტალური შედეგით.

 

საქართველოში დღეის მონაცემებით კორონავირუსის 42 579 დადასტურებული შემთხვევაა, მათ შორის გამოჯანმრთელდა – 26 800, გარდაიცვალა – 342.

აღსანიშნავია, რომ საქართველოზე ოდნავ მაღალია სიკვდილიანობის მაჩვენებელი ერთ მილიონ მოსახლეზე ინდოეთში [89], რომელიც მსოფლიოში კოვიდის დადასტურებული შემთხვევებით მეორე ადგილზეა. 

მონაცემების წყარო: worldometers

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან