Batumelebi | ლუკა ასათიანის სტიპენდიაზე განაცხადების მიღება მიმდინარეობს ლუკა ასათიანის სტიპენდიაზე განაცხადების მიღება მიმდინარეობს – Batumelebi
RU | GE  

ლუკა ასათიანის სტიპენდიაზე განაცხადების მიღება მიმდინარეობს

ბათუმის მერიის ინფორმაციით, მიმდინარეობს ლუკა ასათიანის სტიპენდიაზე განაცხადების მიღების მეორე ეტაპი, რომელიც ოქტომბრის ბოლომდე გაგრძელდება.

როგორც მერიის განათლებისა და კულტურის განყოფილებაში „ბათუმელებს“ ეუბნებიან, კონკურსში მონაწილეობა შეუძლიათ მაღალი აკადემიური მოსწრების სტუდენტებს.

საკონკურსო პირობების მიხედვით, პირველ სემესტრში საუკეთესო შედეგის მქონე 50 სტუდენტი 800-ლარიან სტიპენდიას მიიღებს. პროგრამისთვის მერიის ბიუჯეტიდან წლის განმავლობაში 100 000 ლარია გამოყოფილი.

როგორც აღნიშნულ სამსახურში აცხადებენ, კონკურსში მონაწილე სტუდენტმა განაცხადი მერის სახელზე (ამ შემთხვევაში, მერის მოვალეობის შემსრულებლის, არჩილ ჩიქოვანის სახელზე) უნდა გააკეთოს. განათლებისა და კულტურის განყოფილების გვერდზე ელექტრონული აპლიკაციის ბმული განთავსებული არ არის.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com