Batumelebi | V-VII კლასის მოსწავლეების ცოდნა და უნარები ელექტრონული ტესტირებით შეფასდება – naec V-VII კლასის მოსწავლეების ცოდნა და უნარები ელექტრონული ტესტირებით შეფასდება – naec – Batumelebi
RU | GE  

V-VII კლასის მოსწავლეების ცოდნა და უნარები ელექტრონული ტესტირებით შეფასდება – naec

შეფასებისა და გამოცდების ეროვნული ცენტრის ინფორმაციით, იწყება მე-5 და მე-7 კლასებში გადასული მოსწავლეების ცოდნისა და უნარების შესაფასებელი ტესტირება. პროექტი – „შეფასება განვითარებისთვის“  საპილოტეა და მასში ასამდე სკოლა და 200-ზე მეტი მოსწავლე მონაწილეობს.

მოსწავლეები მათემატიკასა და ქართულში შეფასდებიან.

„პირველ ოთხ კლასში მიღწეული შედეგები შეფასდება მე-5 კლასის დასაწყისში, ხოლო პირველი ექვსი კლასის მანძილზე მიღწეული შედეგები მე-7 კლასში ტესტირებით შემოწმდება. დიაგნოსტიკური შეფასება დაეხმარება სკოლებს, ამ შედეგების შესაბამისად დაგეგმონ ახალი სასწავლო წელი,“ – აცხადებს გამოცდების ცენტრი.

ამავე წყაროს ინფორმაციით, საცდელი ტესტირების შედეგები გამოქვეყნდება ელექტრონული პლატფორმის და ტესტირების ფორმატის დახვეწის მიზნით, „მაქსიმალურად რომ ასახავდეს სკოლის საჭიროებებს“.

ცენტრის ინფორმაციით, მოსწავლეების ტესტირება მთლიანად ელექტრონული პროგრამით ჩატარდება და შეფასებასაც ელექტრონულად მიიღებენ მოსწავლეები.

„შეფასების შედეგები წარმოდგენილი იქნება როგორც თითოეული მოსწავლის, ასევე კლასის დონეზე. შედეგები დაეხმარება მოსწავლეებს და მშობლებს თვალი ადევნონ სასწავლო პროცესის მანძილზე მიღწეულ პროგრესს და მიიღონ ინფორმაცია მოსწავლის სუსტი და ძლიერი მხარეების შესახებ“.

ელექტრონული ტესტირება 12-16 ოქტომბერს ჩატარდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com