ბოლო 24 საათის განმავლობაში საქართველოში კორონავირუსის 2 ახალი შემთხვევა გამოვლინდა, გამოჯანმრთელდა 3 პაციენტი.
თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, ერთი პაციენტი სატვირთო მანქანის მძღოლია, ერთი კი – ინფიცირებულ პირთან კონტაქტში მყოფი.
30 ივნისის მონაცემებით, საქართველოს კოვიდცენტრებში 119 პაციენტი მკურნალობს დადასტურებული კორონავირუსის დიაგნოზით.
დღეის მონაცემებით, საქართველოში კორონავირუსის 928 შემთხვევაა დადასტურებული. მათ შორის გამოჯანმრთელდა 794 პაციენტი, გარდაიცვალა – 15.
ამჟამად კარანტინში იმყოფება 2809 ადამიანი, ხოლო სტაციონარში მეთვალყურეობის ქვეშ – 229.