ბათუმი-ახალციხის ავტომაგისტრალზე, ქედის მონაკვეთზე, მოძრაობა ცალმხრივად განახლდა. ქედის მერიაში „ბათუმელებს“ უთხრეს, რომ ხვალ დილით განახლდება სამუშაოები, რომ გზა ორმხრივად გაიხსნას.
ავტომაგისტრალზე გადაადგილება დღეს, 10 მაისს, ჩამოწოლილი მეწყრის გამო შეიზღუდა, გზა ხეებითა და ლოდებით ჩაიხერგა.
ქედის მერის, ლევან გორგილაძის განცხადებით, ასევე, შესაძლებელია შემოვლითი გზით სარგებლობა, თუმცა მხოლოდ ორხიდიანი მანქანებისთვის.
