Batumelebi | მარტში იმპორტი და ექსპორტი შემცირდა – საქსტატი მარტში იმპორტი და ექსპორტი შემცირდა – საქსტატი – Batumelebi
RU | GE  

მარტში იმპორტი და ექსპორტი შემცირდა – საქსტატი

სტატისტიკის ეროვნული სამსახურის ინფორმაციით, საქართველოში 2020 წლის მარტში იმპრტირებულია 655 მილიონი აშშ დოლარის ღირებულების საქონელი, რაც თითქმის 101 მილიონი დოლარით ნაკლებია გასული წლის მარტთან შედარებით.

იმპორტი 2020 წლის მარტში შემცირებულია ამავე წლის თებერვლის თვესთან შედარებითაც – 43,4 მილიონი აშშ დოლარით.

ამ პერიოდისთვის ჯამში, 32,5 მილიონი აშშ დოლარით ნაკლები ღირებულების მანქანები და სატრანსპორტო მოწყობილობები შემოვიდა; მნიშვნელოვნად შემცირდა მინერალური საწვავის, საცხებისა და მათთან დაკავშირებული მასალების იმპორტიც.

საქსტატის მონაცემებით შემცირებულია ქვეყნიდან გატანილი პროდუქციის ოდენობაც.

2020 წლის მარტში საქართველოდან გატანილია 251,9 მილიონი დოლარის საქონელი, რაც 71,5 მილიონი დოლარით ნაკლებია 2019 წლის მარტთან შედარებით.

ექსპორტი 2020 წლის მარტში შემცირებულია ამავე წლის თებერვლის თვესთან შედარებითაც.

მაგალითად, 2020 წლის თებერვლის თვესთან შედარებით მარტში, საქართველოდან გატანილია 35,1 მილიონი დოლარით ნაკლები ღირებულების მანქანები და სატრანსპორტო მოწყობილობები; 13 მილიონით ნაკლები – სამრეწველო საქონელი; 1,2 მილიონი დოლარით ნაკლები – ცხოველური და მცენარეული ზეთები, ცხიმები და ცვილები.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com