ბათუმის ინფექციური საავადმყოფოს ბოქსირებულ განყოფილებაში შეყვანილ ორ პაციენტს კორონავირუსი არ აქვს – ინფორმაცია „ბათუმელებს“ ჯანდაცვის სამინისტროში დაუდასტურეს.
ორი პირი დღეს შეიყვანეს კარანტინის ზონიდან ინფექციურ საავადმყოფოში მცირე ცხელებით და მსუბუქი სიმპტომატიკით. COVID-19-ზე უარყოფითი პასუხის შემდეგ ისინი კვლავ საკარანტინო ზონას დაუბრუნდებიან.
რაც შეეხება პაციენტს, რომელიც ბათუმის ინფექციურ საავადმყოფოში დადასტურებული კორონავირუსის დიაგნოზით იმყოფება, მისი მდგომარეობა, ბოლო მონაცემებით, დამაკმაყოფილებელია.
18 მარტის მონაცემებით, საქართველოში COVID-19-ის 38 დადასტურებული შემთხვევაა. კარანტინის რეჟიმში იმყოფება 1130 ადამიანი, სტაციონარში მეთვალყურეობის ქვეშ კი – 81.
